1985 Ons Genoegen 55 jaar

Lied ter gelegenheid van het 55-jarig bestaan van Ons Genoegen, december 1985.

Tekst en muziek: Jan Luiken Bos

              Ons Genoegen

 

Refrein: Ons Genoegen, 55 joar

             oetvoeren was der, altied weer elk joar

             t ging soms mit pien en muite, t ging ook wel mit gezwait

             moar t was tot ons genoegen, beter zeggen ken ik t nait!!!!

1
Over vrouger wait ik nait zo veul, ik bin nog nait zo old

moar t ging der vrouger ook om vot, de zeenen muiken ze kold.

Mit schmink en aandre kleren, was elk een ander mens,

nog 55 joar erbie dat is mien grootste wens!!

Refrein: ——————————-

2
Het was in Schoelingsoord destieds, dat men der tou besloot

toneelverainen mout der komen, moar was dat nait te groots?

Tegenwoordig waiten wie beter, belangriek is t nait echt

moar mensen mit acteertalent dei kunnen der bie terecht!!

Refrein: ——————————-

3
Auk Skuiter is het oldste lid, kiek hom doar nou toch stoan,

de penningsmeester van de club, soms is t een min bestoan.

Moar elk en ain waardeeert hom, joa dat is wekliek woar,

Ik wns die nog veul joar der bie, mit auk komt veur mekoar!

Refrein: ——————————–

4
Jan Rona is de regiseur, soms makkelk, dan weer fel

de veurzitter is e ook, aan zien pak zai je dat wel.

En Dina, Grietje, Gezina, Berend en Henriët,

Ze worden vandoag een beetje eert en in de bloumen zet!!

Refrein: ——————————–

5
Froukje, Grietje, Jan en ik, binnen nog nait zo lange lid,

de gulden hebben wie al betoald, bie Auk in t knipke zit.

Nog ainmoal zing ik oet mien hart, ik main het eerlek woar,

Ons Genoegen mout hier altied blieven,

 nog minstens honderd joar!!!

Refrein: ———————————


Geef een antwoord

Het e-mailadres wordt niet gepubliceerd.

Vul het antwoord in *Captcha loading...